حوزہ نیوز ایجنسی کے مطابق، حرم حضرت عباس علیہ السلام سے وابستہ افریقی ممالک کے مرکز مطالعات کے علماء اور طلباء پر مشتمل سو افراد کے ایک گروہ نے عراق کی زیارت کے سلسلہ میں اپنے پہلے سفر میں حضرت امیر المومنین علیہ السلام کی زیارت کا شرف حاصل کیا۔
گھانا سے تعلق رکھنے والے اس مرکز کے رکن جناب شعبان آدم نے کہا: یہ گروہ افریقہ کے مختلف ممالک سے تعلق رکھنے والے دینی طلاب پر مشتمل ہے جو آستانہ حضرت عباس علیہ السلام کے تعاون سے یہاں پر زیارت کے لئے آیا ہے۔
انہوں نے کہا: ہم نے فیصلہ کیا تھا کہ سب سے پہلے حرم حضرت امیر المومنین علیہ السلام میں حاضری دیں گے۔
انہوں نے مزید کہا: نائیجیریا، ایوری کوسٹ اور بورکینا فاسو سمیت تمام افریقی ممالک کے طلاب کے عراق اور ایران کے اس سفر کے دوران زیارات کے علاوہ کئی مزید مفید پروگرامز بھی ترتیب دئے گئے ہیں۔
